Útgerðin x hringrás

Útgerðin býður upp á leigu á básum þar sem flíkur og fylgihlutir hljóta endurnýjun lífdaga í nýjum höndum. Einstaklingar geta bæði keypt notaðan fatnað og komið vörum aftur í hringrásina með því að selja notuð föt og fylgihluti.

Leigutími og verð

Sjö básar eru til útleigu í Útgerðinni og leigist hver bás í 28 daga. Þeir dagar sem koma upp á lokunadögum Útgerðar teljast ekki með í heildardögum tímabils. 

Leiguverð samanstendur annars vegar af básaleigu og 20% hlutdeild af þeirri upphæð sem viðkomandi selur fyrir á leigutíma.

Leiguverð fyrir einn bás e kr. 14.000,- (kr. 500,- pr /dagur).

*Allar vörur sem settar eru upp í bás skulu vera hreinar, heilar og gatlausar.

Innifalið í leigu

Útgerðin útvegar bás með 3 hillum, fataslá og herðatré (venjuleg, barna- og buxna). Gert er ráð fyrir að um 30 flíkur komist á fataslá. Verðmiða (60 stk) og merkibyssu til að setja á flíkur. Gufuvél er á staðnum.

Starfsfólk tekur daglega til í básnum og heldur honum snyrtilegum.

Hægt að kaupa fleiri verðmiða (60 stk á 300 krónur).

Leigugreiðsla

Leiguverð fyrir bás greiðist í upphafi leigutímabils í verslun eða með millifærslu á bankareikning.

Greiðsla söluhagnaðar

Að loknu leigutímabili er þóknun (20%) dregin frá söluandvirði áður en söluhagnaður (80%) er millifærður á bankareikning leigjanda.